Life on the edge of /dev/null » norwegian

Då stikk eg! God påske, folkens!

Jakob Breivik Grimstveit — Sat, 16 Apr 2011 05:00:40 +0000

Om eg er utanfor dekning på mobilen og ikkje svarer på epost eller FB-pokes, då er eg på Nutstøyl på guttetur med nurket og Snarrald. Klikk på nødplakaten ovanfor (generert via norgeskart.no) om du vil besøke oss på Nissedalsheia .

l8r, dude[tte]s, the real world calls!

Født sånn eller blitt sånn?

Jakob Breivik Grimstveit — Thu, 06 Jan 2011 09:38:21 +0000

Universitetet i Stavanger har fått laga tre reklamevideoar som blir sendt på norske kinoar i desse dagar, og i den anledning måtte dei ha ein del statistar i samband med at dei skulle danne biletet av ei engasjert skuleklasse. Deretter kjem Harald Eia inn frå sida og seier noko kætsjy før logoen til UiS dukker opp. Enkelt og greit.

Arild og fleire klassekameratar tok ein ettermiddag turen ned til Møhlenpris skole for filming, og resultatet er no lagt ut på YouTube . Arild er guten fremst på venstre side.

Kjendis!

Statsbudsjettet 2011

Jakob Breivik Grimstveit — Wed, 06 Oct 2010 07:59:38 +0000

Om eit bilete seier meir enn tusen ord, kor mykje seier eit bilete av tusen ord?

Fant ut at det var på tide å sjekke kva som ville skje om eg limte inn heile årets statsbudsjett inn i Wordle. Det blei ikkje så veldig overraskande, kanskje, men veldig pent likevel .

Stå opp imot Datalagringsdirektivet!

Jakob Breivik Grimstveit — Wed, 22 Jul 2009 18:57:21 +0000

Personvernet har stått sterkt i Noreg i mange år, men er no under sterkt angrep via EU (og EØS) gjennom deira Datalagringsdirektiv (direktiv 2006/24/EF). Stortinget har ikkje ynskt å ha datalagringsdirektivet som ei eiga separat sak, noko FrP har kjempa imot. No er Venstre også godt i gang med å starte ei kampanje mot denne loven.

Direktivet vil medføre – om det blir vedteke innført også i Noreg – at all trafikkdata (epost, sms, telefoni og internett-bruk) må loggast i minst to år. Vi som borgarar blir med andre ord alle skore under ein kam; me er alle mistenkte og skal overvåkast i tilfelle me skulle finne på å gjere noko galt.

Det ironiske med slike lover er sjølvsagt at dei store slemme fiskane alltid veit å skydde seg mot overvåkarane (kryptert datakommunikasjon er ikkje vanskeleg). Med andre ord er det nok ein gong “folk flest” som blir overvåka.

Jens Petter Berg (Avdeling for forvaltningsinformatikk, Universitetet i Oslo) har gitt ut ein interessant publikasjon litt om kryptering, overvaking og personvern.

La oss håpe det blir nok omtale om saka til at denne lova ikkje blir innlemma i norsk lov. Sverige har tatt denne loven inn over seg, men det er framleis mange som kjemper mot den nye loven, på FRApedia.se og StoppaFRAlagen.nu.